Zhvillimet e fundit nga seanca plenare
Ministri i Ekonomisë Arben Ahmetaj i është përgjigjur opozitës në Kuvend për situatën ekonomike në vend, duke deklaruar se tashmë nuk ka kthim te skenari grek për ekonominë shqiptare. Sipas Ahmetaj, Shqipëria është larguar nga ai skenar ku e çoi vendin Partia Demokratike në 2013. Për këtë, Ahmetaj i referohet shifrave të punësimit në vend: Përtej debatit politik, këto janë shifrat e punesimit. 643 mijë të punësuar në Republikën e Shqipërisë. Fakti interesant është se janë shtuar në bordero 50 mijë të punësuar me një nivel page mbi 30 mijë lekë të reja në muaj.
