Memaliaj, lëvizte me kallashnikov në makinë, arrestohet 17-vjeçari
Një 17-vjeçar ka rënë në prangat e policisë sot në Memaliaj, pasi u kap duke iu gjet një armë kallashnikov në automjet. Sipas njoftimit të policisë, një i ri nga Fieri po qarkullonte me armë zjarri në makinë, në vendin e quajtur “Sektori i 3”, segment rrugor pranë fshatit Luftinjë. Nga kontrolli i ushtruar në automjetin tip “Land Rover”, me targa AA 396 IG, që drejtohej nga shtetasi A.L, 17 vjeç, banues në Roskovec, Fier, u gjet dhe u sekuestrua në cilesinë e provës materiale një armë zjarri automatik, model 56 me një krëhër, në të cilin ndodheshin 29 fishek. Si dhe nga kontrolli i dokumentacionit të automjetit rezultoi se ky shtetas ishte i pa paisur me leje drejtimi. Në përfundim të veprimeve të para të kryera nga Specialistët e Stacionit të Policisë Memaliaj u bë arrestimi në flagrancë i të riut.
