DVP Lezhë
Specialistët për Hetimin e Krimeve të Komisariatit të Policisë Lezhë, pas kallëzimit nga shtetasi E. P., banues në Lezhë, se disa shtetas kishin vjedhur produkte në ambientet e jashtme të dyqanit të tij, kanë kryer të gjitha veprimet hetimore për identifikimin e autorëve të rastit.
Në vijim të veprimeve procedurale për këtë rast, janë referuar materialet në Prokurori ku ka nisur procedimi në gjendje të lirë për 2 shtetas, njëri prej tyre 17 vjeç, tjetri 16 vjeç.
Materialet procedurale i kaluan Prokurorisë, për veprime të mëtejshme.
