Pas performancës së fundit në kompeticionin amerikan, Linda Halimi ka falenderuar “American idol”, që sipas saj i ka dhënë mundesinë të bëhet një emër i njohur në mbarë botën.
“Dhashë gjithçka, dhe pavarësisht rezultateve sonte, jam përgjithmonë mirënjohëse stafit të ‘American Idol’ për mundësinë e dhënë që emri ‘Lindita’ të shndërrohet në emër të njohur në gjithë botën. Definitivisht ëndërr që më në fund m’u realizua”, – shkruan këngëtarja shqiptare në Facebook. Linda ka treguar se megjithëse rrugëtimi i saj përfundoi mbrëmjen e djeshme, “American Idol” i ka hapur dyert në botën e muzikës në nivel botëror, pasi ka marr oferta të mëdha jo vetëm në muzikë por edhe nga shtëpitë e fitnesit. Ajo gjithashtu ka bërë të ditur se do të mbajë koncerte në gjithë Amerikën.
