Lotaria amerikane, ambasada- aplikuesve: Përgjigjia jo në email
Nëse jeni duke pritur që përgjigjia për aplikimin për lotarinë amerikane, t’ju vijë në postën tuaj elektronike, ambasada amerikane përmes një statusi në rrjetin social Facebook bën me dije se ka ndryshuar procedura. Aplikuesit sipas ambasadës së SHBA-ve në Tiranë, duhet të bëjnë vetë kërkimin në faqen e departamentit të shtetit. “Miq, ju lutem mos harroni: Departamenti Amerikan i Shtetit nuk do t’ju kontaktojë nëpërmjet postës elektronike për t’ju njoftuar nëse ju jeni përzgjedhur për lotarinë DV-2018 apo jo; ju duhet të hyni në dvlottery.state.gov duke filluar nga 2 maji 2017 për të mësuar nëse ju jeni përzgjedhur. Kenny dhe unë sapo kemi zbuluar disa e-maile të rreme, si më poshtë. Ju lutemi shpërndajini ato me miqtë tuaj dhe tregojuni atyre që e-maile të tilla janë të rreme! Nëse ju vijnë të tilla e-maile, injorojini ato! Le të mbrojmë veten nga mashtrimet e Vizave të Lotarisë!”,-shkruhet në njoftimin e ambasadës së SHBA-ve në “Facebook”.
