Kundërsulmet e Ukrainës kanë dëbuar forcat ruse nga disa pozicione në qytetin lindor të rrethuar të Bakhmut. Gjatë muajve të fundit, beteja për Bakhmutin është bërë pikëmbështetja e një konflikti që ka parë pak ndryshime në vijat e para që nga fundi i vitit të kaluar, duke i lënë të dyja palët në kërkim të një përparimi.
“Situata është mjaft e vështirë. Në të njëjtën kohë, në pjesë të caktuara të qytetit, armiku u kundërsulmua nga njësitë tona dhe la disa pozicione.Armiku nuk është në gjendje të marrë kontrollin e qytetit,” tha gjeneral kolonel Oleksandr Syrskyi, komandanti i forcave tokësore, në një deklaratë në Telegram.
Nga ana tjetër, kreu i grupit Wagner, Yevgeny Prigozhin, tha në një video të postuar në kanalin e tij Telegram se luftëtarët e tij kishin nevojë për rreth 300 ton predha artilerie në ditë për sulmin ndaj Bakhmutit, por po merrnin vetëm një të tretën e kësaj sasie.
