Tre persona janë arrestuar lidhur me të shtënat që u shënuan mëngjesin e së shtunës në Oupeye (Liège, Belgjikë), në vrazhdën e një përplase mes klaneve rivale shqiptare, raportojnë sot mediat lokale.
Në Oupeye u gjet një makinë bosh, e dëmtuar me plumba, ndërsa brenda mjetit gëzhoja. Gëzhoja u gjetën gjithashtu në rrugën pranë në cilës ishte parkuar makina.
Sipas prokurorisë belge, ka pasur një përplasje mes klaneve shqiptare rivale. Raportohet për persona të lënduar, por askush nuk është plagosur nga plumba.
Të shtunën, prokuroria njoftoi se një shqiptar u arrestua. Më pas, në pranga u vunë edhe dy të tjerë. Të tre kanë lidhje fisnore mes tyre, sipas mediave lokale.
