Temperaturat e larta dhe rritja e personave të prekur nga luhatjet e tensionit kanë bërë që Njësia Vendore e Kujdesit Shëndetësor t’i vijë në ndihmë qytetarëve të ndryshëm në rrugët e Shkodrës për të matur tensionin. Po ashtu shumë qytetarë u këshilluan, thotë infermierja e NJKVSH Mimoza Rragami, për të shmangur problemet që sjell tensioni.
Ndërkohë më të ekspozuar ndaj luhatjeve të tensionit janë të moshuarit në plazhe ndaj infermierët e NJKVSH kanë qenë edhe në Velipojë duke dhënë të njëjtat këshilla për pushuesit atje.
Disa prej qytetarëve thonë se kontrolli i tensionit është shumë i rëndësishëm sepse mund të rezultojë fatal ndërsa shprehen se në rastet më të shumta vjen nga hallet e përditshme që kanë.
Ky shërbim i Njësisë Vendore të Kujdesit Shëndetësor në Shkodër do të vijojë gjatë gjithë verës për t’ju ardhur në ndihmë qytetarëve në mënyrë që të kenë sa më pak probleme me tensionin.
