Makina kthehet përmbys, plagoset rëndë gruaja shqiptare
Një aksident rrugor ka ndodhur mëngjesin e djeshëm në Itali, ku një shqiptare është plagosur rëndë. 41-vjeçarja, identiteti i së cilës nuk bëhet i ditur, ishte duke drejtuar makinën e saj tip “Toyota Auris”, kur për arsye që mbeten ende për tu zbardhur, ka humbur kontrollin dhe ka përfunduar jashtë rrugës. Makina është kthyer përmbys në Ziano, Piacenza. Urgjencat mjekësore kanë transportuar një spital shqiptaren, e cila raportohet se është në gjendje të rëndë shëndetësore.
