Makina përplaset me shtyllën e tensionit, ngelin pa energji dhjetëra familje e biznese
Kjo ka ndodhur në mesditë në rrugën Elbasan-Librazhd në fshatin Labinot Fushë. Një makinë tip Golf ka devijuar nga rruga dhe është përplasur me një shtyllë dhe murin rrethues të një banese private. Drejtuesi i automjetit ka pësuar dëmtime të lehta, ndërsa mjeti dëmtime të konsiderueshme. Në vendin e ngjarjes ka mbërritur policia rrugore e cila ka kryer veprimet procedurale. Sipas të dhënave, si pasojë e përplasjes me shtyllën e tensionit, disa lagje dhe biznese në Labinot Fushë kanë mbetur pa energji elektrike. Po punohet për kthimin e normalitetit.
