14.3 milionë euro është vlera e investimit që është bërë në burgun e Reçit. Një investim i kryer nga fondet e Bashkimit Europian dhe të qeverisë shqiptare.
Të pranishme në përurimin e këtij investimi ishin ministrja e drejtësisë, Etilda Gjonaj, dhe ambasadorja në largim e Bashkimit Evropian në Tiranë, Romana Vlahutin.
Në fjalën e saj, Gjonaj u shpreh se invstimi pritet të jetë një model për plotësimin e standardeve të burgjeve. Ndërsa do të shërbej për t’u dhënë fund njëherë e mirë mbipopullimit të burgjeve të tjera.
Ndër të tjera, Gjonaj tha se është trashëguar një sistem skandaloz i burgjeve. 200 persona me rekorde kriminale janë larguar nga sistemi.
Ambasadorja Romana Vlahutin tha se Shqipëria ka bërë progresë në forcimin e shtetit të së drejtës, përmes reformës në drejtësi. Ecuria do të varet në arritjen e rezultateve në reformat e shtetit të së drejtës.
Investimet tona të përbashkët përbejnë një rreth të plotë të përbashkët që Bashkimi Evropian jep për shtetin e së drejtës në Shqipëri.
Ndërsa për të dënuarit u shpreh se duhet të punohet me ta. Të kthehen në shoqëri si individ të përgjegjshëm.
Burgu i Reçit ka një kapacitet prej 780 personave.
Punonjësit e këtij burgu janë përzgjedhur përmes një procesi të detajuar. Ambjentet e tij përfshijnë një gamë të gjerë shërbimesh për të dënuarit.
