Muzeu kombëtar i fotografisë “Marubi” ka nënshkruar një prej marrëveshje më të rëndësishme në historinë e këtij muzeu me arkivin e fotografisë italiane Alinari, një ndër më të vjetrit dhe më të njohurit në botë. Drejtori i muzeut “Marubi” Luçian Bedeni e quan tejet të vlefshme firmosjen e kësaj marrëveshje me Alinarin.
Presidenti i arkivit italian “Alinari” Giorgio Van Straten thotë se Marubi dhe Alinari nuk njiheshin sa ishin gjallë dhe takohen në ditët e sotme përmes veprave historike që lanë pas.
Drejtori i Institutit Italian të Kulturës Alesandro Ruggera thotë se nuk ishte aspak e lehtë për të arritur firmosjen e kësaj marrëveshje mes Marubit dhe Alinarit.
Pas kësaj marrëveshje të firmosur mes muzeut “Marubi” dhe arkivit italian “Alinari” ky bashkëpunim në të ardhmen do të zgjerohet edhe më shumë.
