Kur Shqipëria përballet me Izraelin është e pamundur të mos flitet për sigurinë, por ashtu si tifozët të cilët duhet të përballen me kontrolle të rrepta edhe policia ka një detyrë të vështirë.
Fatmirësisht në takimin e zhvilluar mbrëmë nuk pati asnjë incident, pasi edhe tifozët treguan një sjellje korrekte. Për këtë arsye Policia e Shtetit ka falënderuar të gjithë ata që ishin në “Elbasan Arena”.
Me tej policia shton se ashtu si të gjithë shqiptarët në fund kanë mbetur të kënaqur për fitoren e Kombëtares.
Njoftimi i Policisë së Shtetit
Mirëmëngjes nga Policia e Shtetit!
Qindra forca të Rendit, Qarkullimit Rrugor, të Inteligjencës dhe forcat Speciale siguruan mbarëvajtjen e ndeshjes së Kombëtares sonë të futbollit kundër ekipit të Izraelit. Të gëzuar për fitoren 😀
Faleminderit tifozerisë për mirëkuptimin, mbështetjen dhe qytetarinë e treguar.
Telefono Policinë e Shtetit për çdo emergjencë në 112, 24/7!
