Në një kohë kur e gjithë vëmendja e të gjithëve është e përqëndruar tek fushata elektorale, organizata “EKO Mendje” dhe disa partner të tjerë i janë bashkuar projektit ndërkombëtar “Udha e Paqes”.
Përmes një pedalimi me biçikletë, i cili nisi tek bashkia e Shkodrës dhe për të t’iu drejtuar Urës së Bunës e më pas të njëjtën rrugë kthimi, disa të rinj nga vende të nmdryshme të botës përcollën mesazhe paqeje e mirëkuptimi, të cilat në kohët që po jetojmë janë më shumë se kurrë të domosdoshme.
Më pas aktiviteti vazhdoi me një concert para bashkisë së Shkodrës me këngë, valle e interpretime të ndryshme me qëllimin e vetëm, shëmbjen e murëve që ndajnë popujt e botës. Projekti “Udha e Paqes” është një projekt global për të sjellë paqe dhe begati në botë dhe për t’i dhënë fund problemeve të ndryshme të cilat shkaktojnë konflikte raciale apo fetare nëpër botë.
