Ndërkohë që pritet ngritja e SPAK-ut dhe Byrosë Kombëtare të Hetimit, qeveria në mbledhjen e sotme (10 korrik) ka miratuar rregullat në lidhje me sigurinë fizike.
Qeveria ka vendosur që gjyqtarëve dhe prokurorëve t’u sigurohet mbrojtja personale. Në vendim shpjegohen të gjitha rastet kur përfitohet mbrojtja.
“Gjyqtarëve të gjykatave kundër korrupsionit dhe krimit të organizuar, prokurorëve të Prokurorisë së Posaçme dhe drejtorit të Byrosë Kombëtare të Hetimit u sigurohet mbrojtja personale”, thuhet në vendim.
Për garantimin e sigurisë ngarkohen Ministria e Brendshme dhe Policia e Shtetit, ndërsa më poshtë Shqiptarja.com sjell vendimin e plotë me përcaktimet e rrepta.
