Kryetari i Kuvendit Ilir Meta vlerësoi reformën në drejtësi si procesin më të rëndësishëm që ka zhvilluar parlamenti në këtë legjislaturë që sapo u mbyll.
Meta tha se më shumë do ishte bërë nëse do ishin lënë mënjanë konfliktet politike. Presidenti i ardhshëm theksoi gjithashtu se në të ardhmen vendit i duhet një parlament më profesional dhe më mbikëqyrës. Tirane- Në përmbyllje të 4 vjeçarit në krye të Kuvendit të Shqipërisë, kryetari Ilir Meta tha se ky parlament ka bërë hapa të rëndësishëm si miratimi i reformës në drejtësi që është kyç për integrimin, por më shumë mund të kishtë bërë nëse do të shmangeshin konfliktet politike Në të ardhme parlamenti sipas Metës, duhet të përmirësojë transparencën e tij si dhe duhet të përforcojë mbikëqyrjen dhe të jetë më profesional. Gjatë aktivitetit të zhvilluar në kuadër të projektit të binjakëzimit për Fuqizimin e mëtejshëm të Kuvendit në kontekstin e anëtarësimit të Shqipërisë në Bashkimin Europian, Meta tha se integrimi europian i vendit është alternativa e vetme dhe e sigurtë që shqiptarët kanë.
