Presidenti i Republikës Ilir Meta ka shprehur ngushëllimet për ndarjen nga jeta të aktorit të njohur Anastas Kristofori.
Meta shprehet në mesazhin e tij se Kristofori ishte një artist i madh dhe shumë i dashur për publikun, një nga ikonat më të shquara të Teatrit dhe Kinematografisë shqiptare.
Kreu i Shtetit thekson më tej se figura dhe e gjithë trashëgimia e tij artistike do të mbeten të pashlyera në kujdesën e popullit.
“Humbëm sot një artist të madh dhe shumë të dashur për publikun, Anastas Kristoforin, një nga ikonat më të shquara të Teatrit dhe Kinematografisë shqiptare.
Me rolet dhe portretizimet e përkryera, interpretimet origjinale dhe batutat e gjetura, figura dhe e gjithë trashëgimia e tij e vyer artistike do të mbeten të pashlyera në kujtesën e popullit dhe të artdashësve shqiptarë.
Duke ndarë dhembjen me familjen dhe kolegët e tij, u shpreh ngushëllimet më të ndjera për këtë humbje të madhe. Të prehet në paqe!”, shprehet Presidenti Meta.
