Ministri i Brendshëm, Ervin Hoxha ka prezantuar drejtuesit e rinj të policisë në Shkodër dhe Lezhë, përkatësisht Fatmir Lleshajn dhe Altin Menën.
Gjatë prezantimit të drejtorit Lleshaj, ministri Hoxha kërkoi rritjen e forcës goditëse ndaj paligjshmërisë në tërësi, krimit të organizuar në veçanti dhe zbardhjen e ngjarjeve kriminale, me fokus të veçantë tek parandalimi i këtyre ngjarjeve duke vlerësuar me prioritet çdo informacion apo të dhënë që vjen nga inteligjenca apo qytetarët.
Duke falënderuar ish-drejtorin Edmond Sulajn për kontributin, ministri Hoxha tha se nën udhëheqjen e tij u arritën rezultate të rëndësishme, veçanërisht në luftën kundër kultivimit të lëndëve narkotike, problem që kërkon përpjekje të vazhdueshme dhe përkushtim.
Ministri Hoxha prezantoi edhe drejtorin e ri të qarkut Lezhë, Altin Mena.
