Firmosja e marrëveshjes mes Shqipërisë dhe Malit të Zi për tre pika të reja kufitare në Grabom, Zogaj dhe ishullin Ada në Velipojë sipas ministrit të jashtëm Ditmir Bushati do të përforcojnë komunikimin ndërshqiptar të dy shteteve.
Hapja e tre pikave të reja kufitare mes Shqipërisë dhe Malit të Zi shërben edhe për zhvillimin e mëtejshëm të turizmit në liqenin e Shkodrës apo në plazhin e Velipojës. Pas nënshkrimit të marrëveshjes për hapjen e tre pikave kufitare mes Shqipërisë dhe Malit të Zi pritet hapja e tyre qoftë për të ngushtuar distancat mes shqiptarëve por edhe për të zhvilluar zonan të lëna në harresë deri tani.
