“Pastro një plazh” është nisma e ministrisë së Zhvillimit Ekonomik, Turizmit, Tregtisë dhe Sipërmarrjes e zhvilluar në kuadër të javës europiane të plazheve të pastra.
Pjesë e kësaj nisme u bë edhe plazhi i Velipojës në Shkodër. Përpara sezonit turistik plazhi i Velipojës do të jetë i pastër dhe i gatshëm për mijëra pushues shprehet administratori Laloshi. Pastrimi i plazhit të Velipojës nga nisma e ministrisë së turizmit është bërë me mbështetjen e bashkisë Shkodër.
Nisma “Pastro një plazh” vjen pasi Shqipëria është futur ndër destinacionet e preferuara turistike ndërsa në total janë 109 plazhe bregdetare dhe liqenore të shtrira nga veriu në jug. Kjo iniciative është edhe një sensibilizim për qytetarët që të mos ndotin.
