Mogherini e Hahn: Keqardhje për bojkotin, të bëhen zgjedhje demokratike
Shefja për politikën e Jashtme të Bashkimit Evropian, Frederica Mogherini si dhe reporteri për negociatat e Zgjerimit dhe Fqinjësisë, Johanes Hahn kanë lëshuar një deklaratë të përbashkët për Shqipërinë, duke shprehur keqardhjen për bojkotin e Parlamentit nga ana e opozitës. Ata theksojnë se debati politik duhet të zhvillohet brenda Kuvendit dhe u kërkojnë liderëve politikë që të veprojnë me përgjegjësi dhe në respekt të institucioneve. Gjithashtu, dy zyrtarët e lartë të BE-së thonë se duhet të hapet rruga për zgjedhje demokratike, ndërsa nënvizojnë se reforma në drejtësi është nën sulm.
