Presin në radhë që prej orës 4 të mëngjesit. Kërkojnë që edhe këtë muaj të jenë pjesë e ndihmës ekonomike.
Jemi në Qendrën Komunitare për Familjen numër tre, e cila përshin rajonet tre, katër dhe pesë për aplikimet me ndihmë ekonomike të Shkodrës. Është muaji i gjashtë i skemës së re dhe të njëjtat probleme vijpjnë të jenë shqetësuese.
Është data 8 qershore dhe praktikisht dita e fundit e aplikimeve pasi dy ditë e tjera kombinojnë me fundjavën, gjë që administrata publike e ka pushim. Qytetarët përballen me radhën, ikjen e sistemit dhe vonesat e shumta.
Sipas administratorëve të kësaj qendre, vonesat janë fillimisht prej sistemit, i cili vijojn të jetë problematikë. Ndërsa një tjetër arsye është edhe ardhja me vonesë e përgjigjeve nga Ministria e Çështjeve Sociale për një pjesë të aplikimeve.
Problemet me skemën e re janë një makth i vërtetë për familjet në nevojë që pretendojnë të përfitojnë ndihmën ekonomike, një varg tashmë më shumë se gjashtë mujor orvatjesh nëpër zyra aplikimesh.
