Drejtori i Përgjithshëm i Policisë së Shtetit, Ardi Veliu ka firmosur ndryshime në strukturën e drejtorive rajonale.
Ndryshimi më i rëndësishëm shihet ai i zgjerimit të kompetencave të komisariateve të rretheve të cilat do hetojë edhe ngjarjet e rënda kriminale si vrasjet, të cilat deri tani bëheshin nga drejtoritë e qarqeve.
Do shkrihen sektorët për drogën, krimin ekonomik dhe trafiqet, të cilat mblidhen në një sektor. Sektori i rendit do ketë në varësi sallën operative, seksionet e rendit dhe rrugoren.
Ndryshim i rëndësishëm është edhe ai për Komisariatet Rrugore të cilët marrin pavarësi. Policia Rrugore do jetë e pavarur nga drejtoritë vendore të policisë.
Komisariatet Rrugore do komandohen direkt nga Drejtoria e Përgjithshme e Policisë së Shtetit.
Ndërkohë, ndryshime ka edhe sa i takon pozicioneve të nëndrejtorëve të policisë në qarqe. Çdo drejtori do ketë një drejtor të përgjithshëm dhe dy nëndrejtorë.
Skema pilot do eksperimentohet fillimisht në Qarkun e Elbasanit.
