Teksa jemi në limitet e djegies së raundit të tretë për zgjedhjen e presidentit të ri, vjen lëvizja e radhës nga kreu i grupit parlamentar të PD-së, Enkelejd Alibeaj ka bërë lëvizjen e radhës.
Mësohet se ditën e nesërme ai ka njoftuar mbledhjen e grupit parlamentar. Sekretari i grupit parlamentar, Arbi Agalliu iu ka dërguar një mesazh deputetëve demokratë, ku i njofton se nesër në orën 10:30 do të mbahet mbledhja në selinë e PD.
“Përshëndetje!
Nesër në orën 10:30 në seli do të zhvillojmë mbledhje grupi.
Ju faleminderit!”, thuhet në mesazh.
Kujtojmë se afati i fundit për depozitimin e kandidaturave në Kryesinë e Kuvendit është data 29 maj, (e diela), ora 16:00 ndërsa në Kuvend pritet të kalojnë për votim kandidaturat më 30 maj.
