Ministri i Jashtëm grek, Nikos Kotzias, ka folur për negociatat me Shqipërinë lidhur me delimitimin e zonave detare.
Në një intervistë për televizionin SKAI, Kotzias është shprehur: “Shpresoj deri në fund të majit të kemi një marrëveshje. Në mos në fund të majit, në fillim të qershorit”.
Me 30 prill, Shqipëria dhe Greqia zhvilluan raundin e parë të bisedimeve mbi delimitimin e zonave detare me Shqiperinë.
Lajmi është bërë publik nga ministria e Jashtme e Greqisë në faqen zyrtare.
Burime nga Ministria për Europën dhe Punët e Jashtme të Shqipërisë bënë të ditur se takimi është zhvilluar mes grupeve negociatore dhe jo në nivel ministror. Raundi i dytë pritet të zhvillohet në Greqi.
