Në ditën e Europës kryetari i Kuvendit të Shqipërisë, Gramoz Ruçi ka zhvilluar një bashkëbisedim me gazetarët. Ruçi u ndal te skepticizmi i Holandës për rekomandimin pozitiv të KE për çeljen e negociatave në muajin qershor.
Kryeparlamentari tha se një grup kriminelësh në Holandë nuk mund të cenojnë të ardhmen e Shqipërisë. Gjithashtu, mesazhi i Ruçit ishte se prostitucionin dhe drogën nuk e shpikën shqiptarët, por e gjetën atë në vendet e BE.
“Nuk mund ta njollosin Shqipërinë një grusht kriminelësh në Holandë. Prostitucionin dhe drogën nuk e shpikën shqiptarët, por e gjetën në Europë.
Kanabisi është një njollë e zezë për Shqipërinë, por fara e kanabisit dhe teknologjia vjen nga Holanda. Edhe tregu i shitjes së kanabisit është Holanda.”
