Ligji i rishikuar i Donald Trump ndaj dëbimit të emigrantëve myslimanë është nën sulm nga disa shtete të Amerikës.
Pas Hawaii-t, Washington DC, New York dhe Oregon i janë bashkuar padisë ndaj presidentit të SHBA për ligjin e dëbimit të myslimanëve. Njoftimi nga Prokurori i Përgjithshëm i Washingtonit, Bob Ferguson, erdhi një ditë pasi Hawaii nisi padinë kundër ligjit të Trump, i cili u ndalonte hyrjen në SHBA të qytetarëve nga 6 vendet me shumicë myslimane. Washington ishte shteti i parë i cili ngriti padinë, që rezultoi në ndalimin e zbatimit të tij nga gjyqtari James Robert në Seattle.
