Ngërçi politik, Donald Lu rinis takimet, shkon te zyra e Bashës
Ambasadori i SHBA, Donald Lu, ka mbërritur në selinë e PD ku po zhvillon një takim me Lulzim Bashën. Takimi i ambasadorit Lu me Bashën ka nisur para pak minutash. Në fokus të këtij takimi mësohet të jetë situata politike në vend. Kjo pritet të jetë një tjetër përpjekje e ambasadorit amerikan për të negociuar ngërçin politik, pas vendimit të marrë tashmë nga opozita për të bojkotuar zgjedhjet e 18 qershorit. Ndërkohë të hënën, SHBA pritet të sjellë në Tiranë zv/ndihmës sekretarin e shtetit, Hoyt Brian Yee, i cili do të zhvillojë takime me përfaqësues të lartë të politikës si kryeministrin Edi Rama, kryetarin e Kuvendit, Ilir Meta si dhe kreun e opozitës, Lulzim Basha.
