Në plazhin e Velipojës u hap zyrtarisht sezoni turistik për të mirëpritur pushuesit vendas dhe turistët e huaj. Kryetari i bashkisë Shkodër Bardh Spahia u shpreh se modeli i ri i turizmit do të sjellë më shumë pushues këtë vit në Velipojë por edhe në resurset e tjera që Shkodra ka.
Pushuesit e parë në Velipojë tregojnë se ajri dhe uji i pastër bashkë me kushtet e tjera të përshtatshme e bëjnë këtë plazh të preferuar për ata.
Një prej operatorëve turistik thotë se kanë nisur prenotimet e para dhe presin që të jetë një sezon i mirë në Velipojë.
Sportet e ndryshme ujore në Velipojë do të jenë një alternativë më shumë për pushuesit.
Velipoja me hapësirat e gjëra ofron kushtet e duhura edhe për sporte të ndryshme në rërë për argëtimin e të rinjve.
Velipoja mbetet një prej plazheve më të preferuara të Shqipërisë me mbi 100 mijë turistë të cilët vijnë gjatë sezonit turistik për të kaluar ditët e pushimit.
