Nishani: Rama e Basha të ulen dhe të gjejnë zgjidhje, ofroj mbështetje
Presidenti i Republikës, Bujar Nishani i kërkon kryeministrit Edi Rama dhe liderit të opozitës Lulzim Basha që të ulen në tryezën e bisedimeve për të gjetur kompromis dhe për të tejkaluar situatën në të cilën ndodhet vendi. Nishani ofron gatishmërinë dhe angazhimin për t’i shërbyer dialogut. Reagimi: Presidenti i Republikës, Sh.T.Z. Bujar Nishani po ndjek me shumë shqetësim përmasat që po merr kriza politike në vend. Ndaj edhe njëherë i kërkon Kryeministrit të vendit dhe Liderit të Opozitës të ulen në tryezën e bisedimeve me vullnetin për kompromis, për të tejkaluar këtë situatë të vështirë për vendin. Presidenti Nishani ofron të gjithë gatishmërinë dhe angazhimin e tij institucional në shërbim të këtij dialogu.
