Ambasadorja amerikane në vendin tonë Yuri Kim, është duke zhvilluar një takim me Presidentin e Republikës Ilir Meta, në zyrën e tij.
Në fokus të takimit, referuar situatës politike, mendohet se është nisma e opozitës parlamentare e mbështetur nga shumica socialiste për hapjen e listave.
Ky takim vjen një ditë pasi Kim zhvilloi një takim në kryeministri me Edi Ramën për 2 orë.
Zyra për shtyp e Ambasadës amerikane bëri me dije se: “Ambasadorja Kim u takua me kryeministrin për 2 orë për të diskutuar një gamë të gjerë çështjesh, përfshi pritshmëritë e qarta dhe të mirënjohura të SHBA në lidhje me marrëveshjen e 5 qershorit të Këshillit Politik”.
Ambasadorja Kim ka bërë apel që të votohet marrëveshja e 5 qershorit, ashtu siç është dakordësuar.
Gjithashtu, edhe presidenti Ilir Meta ka qenë kundër prishjes së marrëveshjes së 5 qershorit, dhe ndryshimeve kushtetuese.
Ndërkohë, kryeminstri Edi Rama ftoi PD-në dhe LSI-në të vijojnë dialogun lidhur me ndryshimet kushtetuese, ku kërkoi mbledhjen e Këshillit Politik sot (22 korrik) në orën 17:00.
