Po shqyrtojmë dokumentacionin që kanë afruar firmat e interesuara dhe me shpalljen e tenderit pritet që të marrë zgjidhje situata e mbetjeve në territorin e njësisë Rrethina.
Një gjë të tillë e pohon administratori I kësaj njësie Vlash Pjetri teksa thekson se për largimin e inerteve pranë urës së Bardhajve apo kudo tjetër bashkia e Shkodrës nuk i ka kapacitetet për largimin e tyre Pjetri është treguar i prerë kur tha se çdo subjekt privat apo person I papërgjegjshëm që do të depozitojë qoftë një thes të vetëm mbetje në vende të palejueshme në territorin e kësaj njësie do të gjobitet me 500 mijë lekë të reja shumë të cilën e parashikon ligji… Menaxhimi I mbetjeve në njësinë Rrethina është një sfidë disa mujore që me ndarjen e re administrative territorial.Deri në shpalljen e firmës fituese që ka aplikuar për tender situata ka gjasa të jetë e njëjtë.
