Presidenti Ilir Meta i ka dërguar një letër sot kryetarit të Kuvendit Gramoz Ruçit në lidhje me procesin e ngritjes së Gjykatës Kushtetuese.
“Sot i kemi përcjellë shkresën kryetarit të Kuvendit për të zhvilluar një takim sa më parë të ketë mundësi nga e hëna që vjen. Ju do të thoni pse nga e hëna? Sepse sot kemi të përkthyer në mënyrë të certifikuar dhe zyrtare raportin e Komisionit të Venecias.
Ky është një dokument zyrtar dhe përgjegjësi të plotë nga institucioni i presidentit, do u dërgohet të gjitha institucioneve, përfshirë edhe Kuvendit, nëse edhe ata kanë bërë një përkthim të certifikuar e mirëpresim, po ashtu do ia nisim KED-së. Gjykata Kushtetuese duhet të jetë sa më shpejt funksionale, është kryekusht edhe për integrimin” tha ai.
Presidenti tha se do u nisë të gjitha institucioneve nga Kuvendi, KED dhe të tjerave të gjitha detyrat e dala nga rekomandimet e Komisionit të Venecias dhe që duhet t’i zbatojnë në mënyrë që të ngrihet sa më shpejt Gjykata Kushtetuese.
“Nuk kemi cfarë të negociojmë por të bashkëpunojmë, këtu është një shkresë e datës 3 nëntor 2017 nga Presidenti drejtuar BE-së dhe Euralius për të parandaluar problemet me KED-në, me hedhjen e shortit me legjitimitetin e veprimeve të KED-së dhe atyre gjërave që ndodhën, bllokimin dhe zhvillimet më të fundit, të para 7 muajve.
Nëse nuk do të ishte minuar ky takim mes presidentit-Kuvendit dhe BE-së këtu, Shqipëria asnjë sekond nuk do të kishte mbetur pa gjykatë kushtetuese dhe opozita nuk do të kishte asnjë justifikim për t’u larguar nga parlamenti, pasi e kishte rrugën për në Kushtetuese por edhe zgjedhjet vendore do të ishin gjithpërfshrië dhe negociatat do të ishin çelur me kohë. Unë nuk kam pritur nga Komisioni i Venecias të merrja dekoratë dhe as nuk e kam cuar, kam thënë se po lëmë nam, pasi Venecia e ka shkruar Kushtetutën tonë. Ka qenë mungesa e vullnetit për të lexuar ligjet në mënyrë të paanshme.
Duhet të gjitha institucionet të lexojë dhe të nxjerrin detyrat këtu, unë do ua dërgoj të gjitha, edhe vlersimet e mia, cfarë detyrash i bie të ketë parlamenti, KED dhe KLGJ-ja apo gjykata e Lartë. I mirëpres të më sjellin cfarë duhet të përmbushë Presidenti, do i përmbush me përgjegjësinë më të madhe. Nuk duhet të vendosej ky kusht nga BE-, por nuk ka asnjë vend të botës pa gjykatë funksionale, pavarësisht se kush i ka bërë përpjekjet’ tha ai.
Ftesa e Pacollit për tryezë kombëtare? Meta: Kosova i ka zgjidhur krizat më mirë se ne
Kryetari i Aleancës Kosova e Re (AKR), Behgjet Pacolli u bëri thirrje Presidentit të Republikës së Shqipërisë, Ilir Meta si dhe kryeministrit Edi Rama, që të mblidhen në një tryezë të përbashkët për të treguar unitet shqiptarë. Por cfarë mendon Ilir Meta për këtë ftesë? “Nuk është koha për protagonizma, Kosova është një shtet i pavarur, Kosova ka institucionet e saj, Kosova ka treguar që është momentet dhe krizat e vështira i zgjidh edhe më mirë se ne. Unë kam qenë dhe jam i hapur për t’u takuar me udhëheqësit e Kosovës dhe shqiptarëve kudo që janë, por jam i bindur që në momente sfidash ata e rrisin përgjegjësinë e tyre” tha ai.
Me 300 veta shpallesh minoritetet, Meta: Po e studioj në brendësi, pastaj do të flas
Presidenti Ilir Meta u shpreh se po përgatit një qëndrim lidhur me projektvendimin e qeverisë që parashikon që një grup prej 300 personash mund të aplikojnë për t’u njohur si pakicë kombëtare në Shqipëri. “Jemi duke e studiuar kam pasur shumë reagime edhe nga shumë akademikë, por do të na duhet kohë për ta studiuar në brendësi” tha Meta.
Pakt me PS-në për kreun e KLSH-së? Meta: Nuk ekziston asnjë marrëveshje e tillë
Presidenti Ilir Meta mohoi sot që të ketë një marrëveshje me PS-në, që socialistët të votojnë propozimin e tij për kreun e KLSH-së, Arben Shehu, në këmbim të firmës që mori nga kreu i shtetit ligji për eurobondin. ‘Nuk ekziston asnjë marrëveshje e tillë, ju e dini qëndrimin tim ndaj eurobondit, që u soll se mungonte mendimi i BSH-së. Cdo gjë që ka probleme kthehet për reflektim. Se cfarë vendimi merr parlamenti për kandidaturën e propozuar është e drejta e parlamentit, unë jam i zhgënjyer për mos miratimin e tre kandidaturave të para, kanë qenë përfaqësuese dhe dinjitoze” tha Meta.
Akuzat, Meta: Kam folur me Thaçin dhe Veselin, ta përballojnë me qetësi dhe urtësi
“Nuk është momenti të merremi me drejtësinë ndërkombëtare aq më tepër nuk kemi shkëlqyer në drejtësinë kombëtare. Miratimi i kësaj gjykate ka qenë një akt i sforcuar, por ne e dimë mirë nga të gjithë faktorët që është shtyrë, ku në radhë të parë, pala që e shkaktoi atë luftë dhe nuk mund të pranojë këtë realitet të ri, që ka ndihmuar stabilitetin e rajonit. Duhet të them se të gjithë drejtuesit kryesorë të UCK që janë akuzuar, i kanë përsëritur betejat me drejtësinë ndërkombëtare dhe të gjithë e kemi që pala që është dënuar më shumë, vrasësit e vëllezërve Bytyci kanë edhe funksione publike. Është momenti për urtësi, unitet, jo vetëm në Kosovë, por edhe në Shqipëri dhe kudo tjetër dhe nuk është momenti për të ushqyer mosbesim ndaj aleatëve perëndimore që janë me popullin e Kosovës, me shtetin e pavarur të Kosovës. Sigurisht kam pasur komunikime me Thacin dhe Veselin dhe jemi në komunikim dhe jam i bindur që ata kanë qetësinë për të përballuar me shumë dinjitet këtë sfidë, jo si personale, pasi kanë pasur momente më të vështira, por në interes të popullit të Kosovës dhe luftës” tha Meta.
Akuzat kundër Thaçit dhe Veselit, Meta sulmon Serbinë: Strategji për të njollosur UÇK-në
“Çështja e dytë është për aktakuzat e Hashim Thaçit dhe Kadri Veselit. Natyrisht që është një zhvillim mjaft sfidant, i cili absolutisht që jam i sigurt, që do të përballohet me shumë urtësi, unitet dhe largpamësi nga jo vetëm këto dy personalitete, por edhe nga presidenti i cili ka qenë udhëheqësi kryesor politik i UCK, por edhe Veseli, që duke vlerësuar se nuk është një sfidë e tyre në planin individual, jam i bindur që do të përballohet me shumë dinjitet dhe përgjegjshmëri jashtë kalkulimeve afatshkurtra nga klasa politike në Kosovë. Nuk është hera e parë që ndaj udhëheqësve të UCK, të kemi aktakuza, të gjithë kemi eksperiencën e këtyre 20 viteve, ku pala që shkaktoi luftën dhe gjenocidin e ka kthyer në një strategji të sajën njollosjen e UCK, por jo vetëm kaq, por edhe dëmtimin e funksionimit të shtetit të Kosovës, pavarësia e të cilit jo vetëm që është njohur nga gjykata ndërkombëtare e drejtësisë, por edhe ka treguar se është faktor stabiliteti për rajonin. I shpreh solidaritetin tim edhe si president por edhe si mik dhe shok me presidentin e Kosovës, por edhe me kryetarin e PDK-së dhe jam i sigurt që ata do ta përballojnë me mjaft dinjitet për të konfirmuar edhe njëherë tjetër drejtësinë e luftës së UCK dhe rrëzuar këtë strategji provokative që kërkon të mbajë peng rajonin dhe të minojë integrimin si në disa vende fqinje” tha Meta.
