SpaceX, kompania e Elon Musk, i ka kërkuar Pentagonit të marrë përsipër kostot e financimit të satelitëve shumë të rëndësishëm për komunikimin e trupave ukrainase.
Javën e kaluar, Musk njoftoi në Twitter se operacioni i kushtoi 80 milionë dollarë SpaceX dhe deri në fund të vitit shuma do të kalojë 100 milionë dollarë.
Pentagoni po shqyrton propozimin e Muskut dhe po kërkon një mënyrë për të mirëmbajtur satelitët SpaceX në Ukrainë, tha Departamenti Amerikan i Mbrojtjes. Në njoftimin e departamentit të mbrojtjes së Shteteve të Bashkuara të Amerikës, thuhej se SHBA po bën gjithçka për të mbajtur satelitët që ndihmojnë ushtrinë ukrainase.
Zëdhënësja e Pentagonit, Sabrina Singh zbuloi se partneritetet me kompani të tjera po konsiderohen gjithashtu.
Nuk është vetëm SpaceX, ka të tjerë me të cilët mund të punojmë kur bëhet fjalë për të ndihmuar Ukrainën dhe nevojat e saj në fushën e betejës.
Kujtojmë gjithashtu se Rusia ka deklaruar se do të tërhiqet nga Stacioni Ndërkombëtar Hapësinor (ISS) pas vitit 2024 për t’u fokusuar në ndërtimin e zonës së saj orbitale. Yuri Borisov, i cili u emërua në krye të korporatës hapësinore Roscosmos të kontrolluar nga shteti, në fillim të këtij muaji, tha gjatë një takimi me presidentin Vladimir Putin se Rusia do të përmbushte detyrimet e saj ndaj partnerëve të tjerë përpara se të largohej nga projekti.
Borisov tha se vendimi për t’u larguar nga stacioni pas vitit 2024 është marrë. Ai vjen mes tensioneve të vazhdueshme midis Moskës dhe Perëndimit për luftën në Ukrainë. Në prill, paraardhësi i Borisov, Dmitry Rogozin, tha se Rusia do të ndërpresë bashkëpunimin në ISS në përgjigje të sanksioneve të vendosura ndaj Rusisë për pushtimin e Ukrainës.
