Pandemia do të përfundojë kur bota të zgjedhë t’i japë fund. Është në duart tona. Ne kemi të gjitha mjetet që na duhen: mjete efektive të shëndetit publik dhe mjete efektive mjekësore. Por bota nuk i ka përdorur mirë ato mjete. Me pothuajse 50,000 vdekje Një javë, pandemia është larg përfundimit”, tha Dr. Tedros të dielën, në fjalimin e tij në Samitin Botëror të Shëndetit në Berlin.
Shefi i OBSH-së u bëri thirrje vendeve të G20 që kanë vaksinuar tashmë 40 % të popullsisë së tyre që të angazhohen në mënyrë aktive në mekanizmin COVAX, si dhe në Trustin Afrikan të Blerjes së Vaksinave.
Të dielën, Sekretari i Përgjithshëm i OKB-së Antonio Gutteres u bëri thirrje vendeve të G20 që të ndihmojnë në mbledhjen e 8 miliardë dollarëve për të siguruar një shpërndarje të drejtë të vaksinave kundër COVID-19 në të gjithë botën.
Duke folur në Samitin Botëror të Shëndetit në Berlin, Gutteres tha se në fillim të tetorit, ai u bashkua me shefin e OBSH-së për të nisur një strategji globale për vaksinimin kundër COVID-19, e cila sugjeron një plan të besueshëm dhe me kosto efektive për të ofruar vaksina për 40 % të njerëzve në të gjitha vendet deri në fund të këtij viti dhe 70 % deri në mesin e vitit 2022.
