Një aksident ka ndodhur pasditen e sotme në Orikum të Vlorës, ku një makinë Fiat me targa AA 309 KL është përplasur me një autobus.
Sipas informacioneve të para mësohet se drejtuesi i makinës ka mbetur i plagosur, i cili është dërguar në spitalin e Vlorës për ndihmë mjekësore.
Sipas burimeve autobusi i përfshirë në aksident po transportonte nxënësit e shkollës së Orikumit, të cilët i kishte zbritur përpara se të ndodhte aksidenti.
Nuk dihen ende rrethanat e ngjarjes, ndërsa policia dhe grupi hetimor po punojnë për zbardhjen e aksidentit.
