Nis ndërtimi i Pallatit të ri të Sportit në Pukë.
Kapaciteti i tij do të jetë 500 vende të ulura me të gjithë impiantin e ngrohjes dhe ftohjes, parketin cilësor, që do të jetë një nxitje për të rinjtë e këtij qyteti për t’u marrë me sport. Mundja e traditës, volejbolli dhe basketbolli, kikboksi, pingpongu, shahu e bilardo shumë shpejt do t’ia ndryshojnë pamjen Pukës, ndërsa kryebashkiaku Gjon Gjonaj ka premtuar dhe ndërtimin e aneksit stërvitor në mënyrë që futbolli të stërvitet jo më në Tiranë, por në Pukë. “Një mirënjohje për Ministrinë e Arsimit dhe Sportit për këtë kontribut, sepse unë i’a kisha premtuar qytetarëve të mi ndërtimin e këtij Pallati Sporti,- thotë kryebashkiaku. Puka është qytet i vogël, por dashamirës me sportin. Dhe kjo është e vetmja mënyrë për t’i shkëputur të rinjtë nga alkooli dhe droga.” Kështu, Puka do të jetë së shpejti, qyteti i rradhës me një pallat sporti të denjë për të zhvilluar aktivitet kombëtare pse jo edhe ndërkombëtare.
