Një tjetër lëkundje sizmike është dëgjuar mbrëmjen e sotme në Turqi.
Tërmeti me magnitudë 3.7 ballë u regjistrua në 23:08 me orën lokale turke dhe epiqendra e tij ka qenë në provincën Elazığ.
Ndërkaq kujtojmë se mëngjesin e sotëm Turqia përjetoi sërish ankth, pasi ra një tërmet me magnitudë 5.3 me epiqendër sërish Elazig, aty ku vetëm 2 muaj më parë ra një tjetër tërmet i fuqishëm me pasoja të rënda.
Agjencia për Menaxhimin e Fatkeqësive dhe Emergjencave (AFAD) njoftoi se tërmet ka ndodhur në ora 09:37 sipas kohës lokale me epiqendër në Elazığ, 15,94 kilometra nën sipërfaqe.
Menjëherë sapo ndjenë lëkundjet, banorët e Elazig dolën nga banesat e tyre duke iu frikësuar një katastrofe të dytë brenda pak kohe.
