Partia Demokratike dhe aleatët kanë vendosur të protestojnë në 16 shkurt ora 11:00 në Tiranë, përpara Kryeministrisë për largimin e qeverisë.
Kjo protestë është parashikuar të jetë masive të cilës do t’i paraprijnë disa protesta në rrethe përpara kësaj date.
Vendimi është marrë pasditen e sotme nga Kryesia e PD dhe në konsultim me krerët e partive aleate.
Opozita kërkon largimin e kryeministrit Edi Rama dhe krijimin e një qeverie kalimtare, me synim bërjen e zgjedhjeve të parakohshme.
Një tezë të tillë Basha e lançoi gjatë mbledhjes së Këshillit Kombëtar demokrat të shtunën, ku u zgjodhën strukturat e reja drejtuese.
