Kryebashkiaku i Mallakastrës, Qerim Ismailaj ka mohuar çdo akuzë të bërë nga PD, se ai ka qenë i dënuar në Greqi.
Për gazetarët, Ismailaj u shpreh se është i hapur për çdo verifikim.
Qerim Ismailaj: Jam i hapur për çdo verifikim të mundshëm. Unë kam deklaruar formularin e dekrimnalizimit. Në shtator të 1999 kam filluar mësues në shkollë Nuk jam ndaluar në asnjë rast. Unë kam motrën në Greqi, ka pasur sebepe familjare, ky është rasti që kam qenë në Greqi.
Në kërkesën e Sekretarit të Përgjithshëm të Partisë Demokratike Gazment Bardhi, drejtuar Prokurorisë së Përgjithshme, specifikohet se kryebashkiaku Qerim Ismailaj, ndodhet në
kushtet e ndalimit për të kandiduar dhe për t’u zgjedhur në një funksion të lartë publik, për shkak se dyshohet se ka qenë i arrestuar/ndaluar në Greqi dhe se në periudhën 1999-2000 ndaj tij është marrë masa e dënimit dhe dëbimit nga autoritetet përgjegjëse greke.
