Si zakonisht, me ardhjen e pranverës qytetarët shkodranë i drejtohen pedonales së Molos për të kaluar orët e tyre të relaksit gjatë ditës.
Ndërkohë që një nga problemet e tyre më të shpeshta vazhdon të mbetet qarkullimi i individëve me motorë në pedonalen ku lejohet të kalohet vetëm në këmbë ose me biçikletë.
Prezenca e një polici që të mbajë nën kontroll qarkullimin e motorëve është domosdoshmëri për qetësinë e qytetarëve që frekuentojnë pedonalen e Molos.
Kryesisht, situata më problematike me qarkullimin e motorëve paraqitet gjatë orëve të pasdites ku ka fluks më të madh të lëvizjes së qytetarëve të cilët jo në pak raste rrezikohen nga drejtuesit e motorëve.
Një problem I tillë është prezent prej kohësh, por akoma vazhdon të mos gjejë zgjidhje nga institucionet përgjegjëse
