Radio Televizioni i Serbisë (RTS) ka realizuar për herë të parë një reportazh televiziv rreth sulmeve ajrore të ushtrisë serbe ndaj caqeve civile të Kosovës.
Këtu përfshinë periudhën para sulmeve ajrore por edhe gjatë sulmeve të NATO-s. Raportohet se avionët e ushtrisë serbe të tipit “Shqiponja” kishin pasur për cak pikat ku ishin vendosur pjesëtarë të Ushtrisë Çlirimtare të Kosovës. Por, në reportazh nuk përmendet asnjëherë për civilët e vrarë. Në reportazh RTS ka përfshirë edhe një bisedë me ish – komandantin e luftës së forcave serbe Sreto Milanoviç, i cili tashmë është në pension.
