Indiferencës së pushtetit vendor, banorët e fshatit Reç në Malësi të Madhe kanë zgjedhur t’i përgjigjen me punë.
Edhe pse zonë turistike që çdo ditë vizitohet nga shumë turistë, vazhdon të neglizhiohet nga bashkia.
Banorët e këtij fshati gjatë ditës së sotme kanë ndërmarrë një nisme duke pastruar vullnetarisht të gjithë qendrën e zonës, e cila “lulëzonte” nga mbeturinat.
Të rinjtë, por edhe moshat e treta janë angazhuar, duke i dhënë një pamje tjetër këtij vend i cili në pranëverë kthehet në një perlë të turizmit malor. Por pavarësisht punës së bërë, vendosja e disa koshave dhe bërja e detyrës nga zyra e shërbim-pastrimit do të ishin zgjidhje perfundimtare e problemit.
Banorët i bëjnë apel bashkisë të investojë në këtë zonës, pasi efektet do të ishin shumë pozitive për ekonominë e zonës, e cila vitet e fundit po mundohet ta shfrytëzojë në çdo kohë ardhjen e turistëve.
/ Star Plus TV /
