Një çift në Vlorë ka rënë në prangat e policisë me akuzën se përshtatën lokalin e marrë me qira për përdorim droge dhe tregtim kokaine.
Policia arrestoi 47-vjeçarin me iniciale A. Sh., dhe bashkëjetuesen e tij, 30-vjeçaren me iniciale E. T., të dy me banim në Vlorë.
“Gjatë kontrollit të ushtruar në lokalin, nën administrimin e dy të arrestuarve u gjetën dhe sekuestruan një sasi lënde narkotike prej 14 gram e dyshuar kokainë,”-raporton policia.
Gjithashtu ka rezultuar se aktiviteti në lokal ushtrohej me mungesë dokumentacioni.
Materialet iu referuan Prokurorisë, në ngarkim të këtyre shtetasve për veprat penale “Prodhimi dhe shitja e narkotikëve” kryer në bashkëpunim, “Përshtatja e lokalit për përdorim droge” dhe “Fshehja e të ardhurave”.
