Ksenia Knezeviç është një emrat më të përfolur të muzikës në Serbi. Këngëtarja 26-vjeçare serbo-malazeze ka qenë pjesë e grupit të famshëm “Hurricane” i cili përfaqësoi Serbinë në Eurovizion në vitin 2021 me këngën “Loco Loco” duke e rënditur shtetin e tyre në vendin e 15-të.
Por nga ana tjetër, siç dihet, muzika shqiptare ka pushtuar tregun Evropian dhe jo vetëm pasi po dëgjohet kudo në botë.
Një ndër këngët hit të kësaj vere e titulluar “Gajde” nga Elvana Gjata dhe Dhurata Dora siç duket ka “rënë” në veshin e këngëtares serbe e cila ditën e sotme publikoi këngën e saj më të re solo e titulluar “Hir”(tekë).
Nuk ka nevojë të jesh muzikant për të kuptuar se sa identike këta dy versione janë, e kjo pasi instrumentali i këngës është i njëjtë në të dyja këngët.
Komenti i parë do të ishte që këngëtarja serbe e ka “kopjuar” këngën e dy vajzave shqiptare por në fakt instrumentali i realizuar nga BIGDEAL RECORDS është shitur te këngëtarja serbe, duke e bërë këngën “autentike” dhe jo një plagjiaturë.
Motivet e instrumentalit në fjalë janë ballkanike ku dominon gajdja, instrument që është bërë pjesë e muzikës folklorike të vendeve të Ballkanit shumë më vonë nga shpikja e saj në Egjiptin e lashtë, kështu që lirisht mund të themi që kënga nga sot e tutje do të ketë dy versione, një në shqip e një në serbisht.
