Kati i dytë i hotelit ‘Rozafa’ është përfshirë nga flakët mbrëmjen e së mërkurës.
Rreth orës 21:15 reparti zjarrëfikës në Shkodër ka marrë njoftimin ëpr rastin e zjarrit ndërsa ka ndërhyrë menjëherë për neutralizimin e flakëve duke bërë shuarjen e plotë në pak minuta. Shkak I zjarrit dyshohet të ketë qenë ngarkesa në një panel elektrik.
Një njoftim zyrtar për zjarrin ka dhënë edhe policia e Shkodrës, ku sqaron rrethanat e ngjarjes.
“Rreth orës 21:15, në katin e dytë të hotel “Rozafa”, ka rënë zjarr, dyshohet si pasojë e një shkëndije elektrike.
Zjarrfikësit kanë bërë të mundur shuarjen e plotë të flakëve, nga të cilat janë shkaktuar vetëm dëme materiale.
Grupi hetimor, në drejtimin e Prokurorisë, po punon për zbardhjen e plotë të shkakut të rënies së zjarrit dhe për sqarimin e rrethanave të rastit.”
