Të paktën 9 persona kanë humbur jetën, ndërsa 4 të tjerë janë shpëtuar si pasojë e përmbysjes së gomones që transportonte migrantët e parregullt në qarkun Kuşadası të qytetit Aydın.
Pasi është lajmëruar se një gomone është përmbysur në ujërat e Kuşadası, Rojet Bregdetare të Turqisë shkuan në zonën ku ka ndodhur incidenti. Ndërsa shumë auto-ambulanca janë transferuar në bregun në afërsi të rajonit.
Pas operacioneve të kërkim-shpëtimit është arritur deri tek kufoma e 9 personave, ndërsa 4 të tjerë janë shpëtuar.
Në deklaratat e para të të shpëtuarve nuk është njoftuar për migrantë të zhdukur.
Zyrtari lokal i Kuşadası, Muammer Aksoy, në deklaratën për AA tha se prej të vdekurve 7 janë fëmijë, ndërsa 2 janë gra.
