Dy persona mbetën të plagosur në një aksident rrugor në aksin Gjirokastër-Tepelenë. Një automjet tip “Benz” raportohet se është përplasur me një kamion në afërsi të urës së Viroit.
Të lënduarit janë transportuar drejt spitalit për trajtim mjekësor.
Aksidenti ka paralizuar edhe qarkullimin në këtë aks, duke shkaktuar radhë kilometrike të mjeteve në hyrje dhe dalje.
