Plumba ndaj një lokali, shpëtojnë klientët
Qëllon me armë zjarri në drejtim të një lokali duke shkaktuar dëme materiale, policia arreston në flagrancë autorin e një person tjetër për i cili nuk ka treguar të vërtetën për policinë. Një ditë më parë rreth orës 17:50, policia ka marrë njoftimin se në vendin e quajtur lokal “Gjermani” në bregdetin e Semanit Fier ka të shtëna me armë zjarri. Me të shkuar në vendin e ngjarjes dhe kryerjen e hetimeve të para është arrestuar autori i dyshuar Ilir Boriçi, 41 vjeç, banues në lagjen “8-Shkurti” Fier ( I dënuar më parë për “Armëmbajtje pa leje”). Arrestimi i këtij u bë për veprat penale “Mbajtja pa leje e armëve luftarake dhe municioneve”, “Shkatërrimi i pronës”, “Kanosja” dhe “Prishja e qetësisë publike”. Në datën 21.06.2017, rreth orës 17:50, në bregdetin e Semanit, Boriçi, për motive të dobëta, ka qëlluar me armë zjarri në lokalin 23-vjeçarit me inicialet A. C, 23 vjeç, duke i shkatërruar sendet, pajisjet e lokalit. Gjithashtu u bë arrestimi në flagrancë edhe i Artur Dinaj, 38 vjeç, banues në lagjen “Apollonia”, Fier (I dënuar më parë për “Armëmbajtje pa leje” dhe “Prishje të qetësisë publike”) Arrestimi i këtij personi u bë për veprat penale “Moskallëzim i krimit” dhe “Veprime që pengojnë zbulimin e së vërtetës”. Në cilësinë e provës materiale në vendin e ngjarjes u gjetën dhe sekuestruan shtatë gëzhoja pistolete. Materialet iu referuan Prokurorisë pranë Gjykatës së Shkallës së Parë Fier për veprime të mëtejshme.
