Makina e ambasadës ruse është përfshirë në një aksident në vendin e quajtur “Kthesa e Murrashit”, në Librazhd.
Burime bëjnë me dije se makina e ambasadës ruse është përplasur me një mjet tip “Benz” dhe për pasojë një person ka mbetur i plagosur.
Dyshohet se i plagosuri është shoferi i mjetit, i cili është transportuar në spitalin e Librazhdit.Shkak i aksidentit mësohet se është bërë moti i keq.
Policia ka zbardhur detaje të reja nga aksidenti i pasdites në aksin rrugor Elbasan-Librazhd, pranë kthesës së Urës së Murrashit, ku një automjet i ambasadës ruse është përplasur me një mjet tip Benz.
Sipas policisë i plagosur në këtë aksident ka mbetur shtetasi Besnik Gora që udhëtonte me mjetin tip Benz i cili është transportuar në spitalin e Librazhdit për ndihmë mjekësore.
Ndërkohë që të lënduar por disi më lehtë kanë mbetur dy personat që udhëtonin me mjetin me targa diplomatike.Makina tip Benz ka pësuar dëmtime të shumta.
Policia e Shtetit ka zbardhur identitetin e dy shtetasve rusë të cilët u aksidentuar ditën e sotme në aksin rrugor Elbasan-Librazhd, të cilët lëviznin me një mjet me targa diplomatike të ambasadës ruse.
Sipas Policisë çifti rus që u aksidentuar është Nikhain Kruchinina dhe Darja Igor Kruchinina, 35-vjeç.
Sipas burimeve zyrtare, Nikhain Kruchinina ka pësuar thyerje të dorës, ndërsa bashkëshortja e tij ka dëmtime të lehta në trup.
Nga dinamika e aksidentit, makina e çiftit rus u përplas me një mjet tip “Benz”, i cili drejtohej nga shtetasi Besnik Gora i cili ndodhet i plagosur ne spital.
Komunikata e Policisë
Librazhd / Informacion paraprak
Në aksin rrugor Elbasan- Librazhd, mjeti tip ” Hondaj”, me drejtues shtetasin M.K., 44 vjeç, është përplasur me mjetin tip ” Benz” me drejtues shtetasin B.G., rreth 24 vjeç.
Si pasojë e aksidentit është dëmtuar lehtë drejtuesi i mjetit Benz, i cili u transportua në Spitalin e Librazhdit për kontrroll mjeksor.Grupi hetimor ndodhet në vendngjarje dhe po punon për zbardhjen e shkakut të aksidentit.
Ndërkohë që gjatë pasdites së sotme janë shënuar edhe dy aksidente të tjera përkatësisht në Rrogozhinë ku janë plagosur dy persona, pasi makina ku po udhëtonin ka dalë nga rruga.
Ndërsa një tjetër aksident u shënua edhe në Balldren ne rrugën Elbasan-Peqin.
